<
பஸ்- மோட்டார் சைக்கிள் மோதல்; கல்லூரி மாணவர் பலி
நாகூர் அருகே பஸ்-மோட்டார் சைக்கிள் மோதி கொண்ட விபத்தில் கல்லூரி மாணவர் பலியானார். மேலும் படுகாயம் அடைந்த அவரது நண்பர் மருத்துவமனையில் சிகிச்சை பெற்று வருகிறார்.
நாகூர்:
நாகூர் அருகே பஸ்-மோட்டார் சைக்கிள் மோதி கொண்ட விபத்தில் கல்லூரி மாணவர் பலியானார். மேலும் படுகாயம் அடைந்த அவரது நண்பர் மருத்துவமனையில் சிகிச்சை பெற்று வருகிறார்.
பஸ்- மோட்டார் சைக்கிள் மோதல்
திட்டச்சேரி புறாகிராமம் புதுத்தெருவை சேர்ந்தவர் பாவா பக்ருதீன். இவருடைய மகன் அபுல் இர்சாத் (வயது21). இவர் நாகையில் உள்ள ஒரு தனியார் கல்லூரியில் பி.பார்ம் 3-ம் ஆண்டு படித்து வந்தார். திட்டச்சேரி ப.கொந்தகை பைப்படி சந்து பகுதியை சேர்ந்த சபீர் முகமது மகன் முகமது பகத் (19). இவரும் அதே கல்லூரியில் பி.சி.ஏ. முதலாம் ஆண்டு படித்து வருகிறார். இவர்கள் 2 பேரும் நண்பர்கள்.
இந்த நிலையில் இவர்கள் 2 பேரும் ஒரு மோட்டார் சைக்கிளில் நேற்று கல்லூரிக்கு சென்று கொண்டிருந்தனர். மோட்டார் சைக்கிளை அபுல் இர்சாத் ஓட்டி சென்றார். நாகூரை அடுத்த பனங்குடி அருகே சென்ற போது எதிரே கும்பகோணம் நோக்கி சென்ற தனியார் பஸ்சும், மோட்டார் சைக்கிளும் நேருக்கு நேர் மோதி கொண்டது.
கல்லூரி மாணவர் பலி
இந்த விபத்தில் படுகாயம் அடைந்த அபுல் இர்சாத் சம்பவ இடத்திலேயே பரிதாபமாக உயிரிழந்தார். முகமது பகத் படுகாயம். அடைந்தார். இதுகுறித்து தகவல் அறிந்த நாகூர் போலீஸ் சப்-இன்ஸ்பெக்டர் ராஜேஷ் மற்றும் போலீசார் சம்பவ இடத்துக்கு வந்து அபுல் இர்சாத் உடலை மீட்டு பிரேத பரிசோதனைக்காகவும், படுகாயம் அடைந்த முகமது பகத்தை சிகிச்சைக்காகவும் நாகை அரசு மருத்துவமனைக்கு அனுப்பி வைத்தனர். அங்கு அவர் சிகிச்சை பெற்று வருகிறார்.
டிரைவர் கைது
மேலும் இதுகுறித்து போலீசார் வழக்குப்பதிவு செய்து பஸ் டிரைவர் அரியலூர் மாவட்டம் உடையார்பாளையம் மெயின் ரோட்டை சேர்ந்த புருஷோத்தமன் (40) என்பவரை கைது செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
