மோட்டார்சைக்கிள்கள் மோதல்; தொழிலாளி பலி

சுரண்டை, மார்ச்:

சுரண்டை அருகே சாம்பவர் வடகரையை சேர்ந்தவர் செல்வம் (வயது 44). கூலித்தொழிலாளி. இவர் நேற்று முன்தினம் இரவு சேர்ந்தமரம் சென்று விட்டு மோட்டார் சைக்கிளில் சாம்பவர் வடகரைக்கு திரும்பிக் கொண்டிருந்தார். கள்ளம்புளி கிராமம் அருகே வந்தபோது எதிர்பாராதவிதமாக எதிரில் வந்த மற்றொரு மோட்டார் சைக்கிள் மீது மோதியது. 

இதில் தலையில் பலத்த காயமடைந்த செல்வம் சம்பவ இடத்திலேயே பரிதாபமாக இறந்தார். எதிரில் வந்த மோட்டார் சைக்கிள் ஓட்டிய முருகையா, குருசாமி ஆகியோர் பலத்த காயமடைந்தனர். தகவல் அறிந்ததும் சேர்ந்தமரம் போலீசார் விரைந்து வந்து காயமடைந்தவர்களை மீட்டு தென்காசி அரசு மருத்துவமனைக்கு அனுப்பி வைத்தனர். செல்வத்தின் உடலை போலீசார் கைப்பற்றி பிரேத பரிசோதனைக்காக தென்காசி அரசு மருத்துவமனைக்கு அனுப்பி வைத்தனர்.

இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.