<
தூத்துக்குடி மாவட்டத்தில் இந்திய தொழில் தேர்வு எழுத இளைஞர்கள் விண்ணப்பிக்கலாம் 15-ந் தேதி கடைசி நாள்
தூத்துக்குடி மாவட்டத்தில் இந்திய தொழில் தேர்வு எழுத இளைஞர்கள் விண்ணப்பிக்கலாம் என்று தூத்துக்குடி மாவட்ட திறன் பயிற்சி அலுவலக உதவி இயக்குனர் ஏஞ்சல் விஜயநிர்மலா தெரிவித்து உள்ளார்.
தூத்துக்குடி:
தூத்துக்குடி மாவட்டத்தில் இந்திய தொழில் தேர்வு எழுத இளைஞர்கள் விண்ணப்பிக்கலாம் என்று தூத்துக்குடி மாவட்ட திறன் பயிற்சி அலுவலக உதவி இயக்குனர் ஏஞ்சல் விஜயநிர்மலா தெரிவித்து உள்ளார்.
இதுகுறித்து அவர் வெளியிட்டுள்ள செய்திக்குறிப்பில் கூறி இருப்பதாவது:-
தொழில் தேர்வு
தேசிய தொழிற்பயிற்சி குழுமத்தால் 2021-ம் ஆண்டு ஜூன் மாதம் கைவினைஞர் பயிற்சி திட்டத்தின் கீழ் நடத்தப்படும் அகில இந்திய தொழில் தேர்வில் தனித்தேர்வர்களாக கலந்து கொள்ள விண்ணப்பிக்கலாம்.
இந்த தேர்வுக்கு ஏற்கனவே ஒரு தொழிற்பிரிவில் ஐ.டி.ஐ. படித்து தேர்ச்சி பெற்ற முன்னாள் பயிற்சியாளர், அதை சார்ந்த மற்றொரு தொழில் பிரிவில் ஒரு வருட பணி அனுபவம் பெற்று இருந்தால், அந்த பிரிவில் தேசிய தொழிற்சான்றிதழ் பெற தனித்தேர்வராக விண்ணப்பிக்கலாம்.
திறன்மிகு பயிற்சி தேசிய தொழிற்சான்றிதழ் பெற்ற பயிற்சியாளர்கள், தாங்கள் பயின்ற பிரிவுடன் தொடர்புடைய தொழில் பிரிவில் ஒரு வருடம் பணி அனுபவம் பெற்றிருந்தால், அந்த பிரிவில் தனித்தேர்வராக விண்ணப்பிக்கலாம். ஆகஸ்டு 2018 வரை சேர்க்கை செய்யப்பட்ட மாநில தொழிற்பயிற்சி குழுமம் தொழில் பிரிவு பயிற்சியாளர்கள் தனித்தேர்வராக விண்ணப்பிக்கலாம்.
15-ந் தேதி கடைசி நாள்
இதுதவிர பிற விண்ணப்பதாரர்கள் விண்ணப்பிக்கும் நாளில் 21 வயது பூர்த்தியடைந்து இருக்க வேண்டும். உச்ச வயது வரம்பு இல்லை. தொழில் பழகுனர் சட்டத்தை செயல்படுத்தும் நிறுவனங்கள், தொழிற்சாலை சட்டம் 1948-ன் கீழ் செயல்பட்டு வரும் நிறுவனங்கள்,
அரசு பதிவு பெற்ற நிறுவனங்கள், ஏதேனும் ஒன்றில் விண்ணப்பிக்கும் தொழில் பிரிவு தொடர்பான பணியில் 3 ஆண்டு முன் அனுபவம் பெற்று இருக்க வேண்டும்.
தனித்தேர்வராக விண்ணப்பிக்க விரும்புகிறவர்கள் முழு விவரங்கள் அடங்கிய விளக்க குறிப்பேடு, நெறிமுறைகள் மற்றும் இது தொடர்பான விவரங்களை www.skilltraining.tn.gov.in இணையதளத்தில் இருந்து பதிவிறக்கம் செய்து கொள்ளலாம்.
விண்ணப்பத்துடன் தேர்வு கட்டணம் ரூ.200 செலுத்தியதற்கான செலுத்து சீட்டு, கல்விச்சான்றிதழ் நகல், மற்றும் இதர ஆவணங்களை இணைத்து பூர்த்தி செய்த விண்ணப்பங்களை வருகிற 15-ந் தேதிக்குள் (திங்கட்கிழமை) தூத்துக்குடி அரசினர் தொழிற்பயிற்சி நிலைய துணை இயக்குனரிடம் சமர்ப்பிக்க வேண்டும். அதன் பிறகு பெறப்படும் விண்ணப்பங்கள் ஏற்றுக் கொள்ளப்படாது.
இவ்வாறு அதில் கூறப்பட்டு உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
