தேசிய அறிவியல் தின கொண்டாட்டம்

தமிழ்நாடு அறிவியல் இயக்கம் நடத்தும் தேசிய அறிவியல் தின கொண்டாட்டம் காளையார்கோவிலில் நடைபெற்றது. விழாவிற்கு தமிழ்நாடு அறிவியல் இயக்க சிவகங்கை மாவட்ட தலைவர் ஆரோக்கியசாமி தலைமை தாங்கினார். வட்டாரத் தலைவர் வீரபாண்டி, கவுரவத்தலைவர் நாகலிங்கம் ஆகியோர் முன்னிலை வகித்தனர். வட்டார செயலாளர் ஆரோக்கிய ஜெயசாலமன் வரவேற்றார். தேசிய அறிவியல் தின உறுதிமொழியை டேவிட் கூற அனைவரும் எடுத்துக் கொண்டனர்.
 இதில் ஆசிரியர் அன்புநாதன், காளையார்கோவில் இந்திய செஞ்சிலுவை சங்கத்தின் சேர்மன் அலெக்சாண்டர் துரை, ஆசிரியர் கல்வி மற்றும் பயிற்சி நிறுவனத்தின் முதுநிலை விரிவுரையாளர் சூசை ஆரோக்கிய மலர் ஆகியோர் வாழ்த்தி பேசினார். குழந்தைகளுக்கு எளிய அறிவியல் பரிசோதனைகள் செய்து காண்பிக்கப்பட்டன. அறிவியல் வினாக்கள் கேட்கப்பட்டு பரிசுகள் வழங்கப்பட்டன. வட்டார துணைத் தலைவர் ஆரோக்கிய பாஸ்கர் நன்றி கூறினார். இந்த நிகழ்ச்சியை வட்டார இணைச்செயலாளர் முத்துக்குமார் ஒருங்கிணைத்தார். மாணவ-மாணவிகள் சர்.சி.வி.ராமன் முகமூடியை அணிந்து இருந்தனர்.