நாய்கள் கடித்து புள்ளிமான் சாவு

அருப்புக்கோட்டை, 

அருப்புக்கோட்டை அருகே பெரியநாயகபுரம் காளியம்மன் கோவில் பகுதியில் மான் ஒன்று இறந்து கிடப்பதாக வத்திராயிருப்பு வனத்துறைக்கு அப்பகுதி மக்கள் தகவல் தெரிவித்தனர். இதையடுத்து வனச்சரக அலுவலர் கோவிந்தன் தலைமையில் வன பாதுகாப்பு அலுவலர் ஜெயசந்திரன், வேட்டை தடுப்பு காவலர் ராஜேந்திரபிரபு ஆகியோர் சம்பவ இடத்துக்கு வந்து விசாரணை நடத்தினர். அப்போது மான் இரை தேடி வந்த போது நாய்கள் கடித்ததில் காயமடைந்து இறந்ததும், ஆண் புள்ளிமான் என்பதும் தெரியவந்தது. இதனைத்தொடர்ந்து இறந்த மானின் உடலை மீட்டு சுக்கிலநத்தம் உதவி கால்நடை மருத்துவர் சரவணன் முன்னிலையில் உடல் பிரேத பரிசோதனை செய்யப்பட்டு அடக்கம் செய்யப்பட்டது.