கோவையில் சாமி சிலைகளுடன் சுற்றிய 2 பேர் பிடிபட்டனர்

தினத்தந்தி 3 March 2021 4:33 AM IST (Updated: 3 March 2021 4:36 AM IST)

கோவையில் சாமி சிலைகளுடன் சுற்றிய 2 பேர் பிடிபட்டனர்.

கோவை,

கோவை அரசு தலைமை மருத்துவமனை அருகே 2 பேர் சந்தேகத்திற்கிடமான வகையில் சுற்றித்திரிந்தனர். அவர்களின் கையில் சாக்குப்பை ஒன்று இருந்து உள்ளது.

இதனால் அச்சம் அடைந்த பொதுமக்கள் போலீசாருக்கு தகவல் தெரிவித்தனர். இதையடுத்து போலீசார் விரைந்து வந்து அவர்கள் இருவரையும் பிடித்து விசாரணை நடத்தினர்.

மேலும் அவர்களிடம் இருந்த சாக்குப்பையை பறிமுதல் செய்து சோதனை செய்தனர். அப்போது இதில் 2 சாமி சிலைகள் இருப்பது தெரியவந்தது.

அந்த சிலைகள் வெண்கலத்தால் ஆனது. இதையடுத்து அவர்கள் இருவரையும் போலீசார் ரேஸ்கோர்ஸ் போலீஸ் நிலையத்திற்கு அழைத்து சென்றனர்.

அங்கு அவர்களிடம் இந்த சிலைகள் எங்கிருந்து கொண்டு வரப்பட்டது. கோவில்களில் வைக்கப்பட்டிருந்த சிலையா? என்பது குறித்து தீவிர விசாரணை நடத்தி வருகின்றனர்.

Related Tags :