குன்னூர் அருகே பொதுமக்களுக்கு வினியோகித்த விலையில்லா கோழிகள் பறிமுதல்


குன்னூர் அருகே பொதுமக்களுக்கு வினியோகித்த விலையில்லா கோழிகள் பறிமுதல்
x
தினத்தந்தி 3 March 2021 5:37 PM GMT (Updated: 3 March 2021 5:46 PM GMT)

குன்னூர் அருகே பொதுமக்களுக்கு வினியோகித்த விலையில்லா கோழிகள் பறிமுதல் செய்தனர்.

குன்னூர்,

தமிழகத்தில் தேர்தல் தேதி அறிவிக்கப்பட்டதை தொடர்ந்து தேர்தல் நடத்தை விதிகள் அமலுக்கு வந்தனர். இதனைத்தொடர்ந்து வாக்காளர்களுக்கு பணம் மற்றும் பரிசு பொருட்களை பட்டுவாடா செய்வதை தடுக்க பறக்கும் படைகள் அமைக்கப்பட்டன. 

இதன்படி நீலகிரி மாவட்டம் குன்னூர் சட்டமன்ற தொகுதியில் 3 தேர்தல் பறக்கும் படை குழுவினர் அமைக்கப்பட்டுள்ளன.

இந்த நிலையில் குன்னூர் அருகே உள்ள பேரட்டி ஊராட்சி பகுதிக்கு உட்பட்ட பேரட்டி, பாரத்நகர், பாரஸ்ட் டேல் ஆகிய பகுதிகள் மற்றும் கரன்சி பகுதியில் தமிழக அரசின் விலையில்லா 3 ஆயிரம் கோழிகளை பொதுமக்களுக்கு வினியோகம் செய்யப்படுவதாக பறக்கும் படையினருக்கு தி.மு.க. சார்பில் புகார் தெரிவிக்கப்பட்டது. 

இதனை தொடர்ந்து தேர்தல் பறக்கும் படையினர் சம்பவ இடங்களுக்கு விரைந்து சென்று  விலையில்லா கோழிகளை அதிரடியாக பறிமுதல் செய்தனர். இந்த சம்பவத்தால் அந்த பகுதியில் சிறிது நேரம் பரபரப்பு ஏற்பட்டது.

Next Story