பாலத்தில் இருந்து தவறி விழுந்தவர் சாவு

விருதுநகர்,

விருதுநகர் சாத்தூர் ரோட்டில் மருளூத்து அருகே உள்ள பாலத்தில் அமர்ந்திருந்த ஒருவர் தவறி கீழே விழுந்து கிடந்தார். இதுகுறித்து தகவல் அறிந்த மருளூத்து கிராம நிர்வாக அதிகாரி சுதாராணி அங்கு சென்று அவரிடம் விசாரணை நடத்திய போது அவர் மேலூரைச் சேர்ந்த சீனிவாசன் (வயது 58) என்பது தெரியவந்தது. உடனடியாக அவர் மதுரை அரசு ஆஸ்பத்திரியில் சிகிச்சைக்காக சேர்க்கப்பட்டார். ஆனால் அங்கு சிகிச்சை பலனளிக்காமல் பரிதாபமாக இறந்தார். இதுபற்றி கிராமநிர்வாக அதிகாரி சுதாராணி கொடுத்த புகாரின்பேரில் சூலக்கரை போலீசார் வழக்குப்பதிவு செய்து விசாரணை மேற்கொண்டுள்ளனர்.