தென்னை மரங்களை சேதப்படுத்திய யானை

தளவாய்புரம், 

சேத்தூர் அருகே நச்சாடை பேரி கண்மாய் உள்ளது. இது மேற்கு தொடர்ச்சி மலை அடிவாரப்பகுதியில் உள்ளன. இந்த கண்மாய் அருகே ஏராளமான தென்னை மற்றும் மாமரங்கள் உள்ளது. இந்தநிலையில் இங்கு சேத்தூர் பகுதியை சேர்ந்த லட்சுமணசாமி, ராஜபாளையம் பகுதியைச் சேர்ந்த ராமர் ஆகியோர்களுக்கு சொந்தமான 10-க்கும் மேற்பட்ட தென்னை மரங்களை, யானை சேதப்படுத்தியது. இதனால் விவசாயிகள் கவலையில் உள்ளனர். எனவே யானைகள் புகுந்து தென்னை மரங்கள் சேதப்படுத்துவதை தடுக்க வனத்துறையினர்  நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.