‘நற்செயல்கள்தான் சமுதாயத்தில் நல்லபெயரைப் பெற்றுத் தரும்’ திருவள்ளுவர் பல்கலைக்கழக பட்டமளிப்பு விழாவில் ஜனாதிபதி பேச்சு

கண்ணுடையர் என்பவர் கற்றோர் (இதை ஜனாதிபதி தமிழில் உச்சரித்தார்) என்ற திருவள்ளுவரின் அறிவார்ந்த வார்த்தைகள் உங்களது லட்சியமாகத் திகழ்கின்றன. 

நமது புதல்விகளும், சகோதரிகளும், அனைத்து துறைகளிலும் தடைகளைத் தகர்த்து வருகின்றனர். இன்று, சிறந்த கல்வித் திறனுக்கான தங்கப் பதக்கம் பெற்ற 66 மாணவர்களில், 55 பேர் பெண்கள் என்பது இதற்கு தெளிவான சான்றாகும். இதேபோல, ஆராய்ச்சி பட்டம் பெற்ற 217 பேரில் 100 பேர் பெண்கள் என்பது பெருமைக்குரியதாகும். பதக்கங்களையும், பட்டங்களையும் பெறுவதற்கு மேடைக்கு வந்த 10 மாணவர்களில், ஒன்பது பேர் பெண்கள் என்பதை நான் கவனித்து அறிந்து கொண்டேன். இது இந்தியாவின் பிரகாசமான வருங்காலத்தை பிரதிபலிக்கிறது.