<
பெரியநாயக்கன்பாளையம் அருகே மின்சாரம் தாக்கி மின்வாரிய ஊழியர் பலி
பெரியநாயக்கன்பாளையம் அருகே மின்சாரம் தாக்கி மின்வாரிய ஊழியர் பலியானார்.
இடிகரை,
பெரியநாயக்கன்பாளையம் அருகே உள்ள வீரபாண்டி சக்தி நகரில் மின்சாரம் துண்டிக்கப்பட்டது. இதையடுத்து மின்வாரிய ஊழியர்கள் பத்மநாபன், கணேசன் மற்றும் நரசிம்மநாயக்கன்பாளையம் பாம்பே நகரை சேர்ந்த சாய் சந்துரு (வயது 22) ஆகியோர் அங்கு வந்தனர்.
பின்னர் அதில் சாய் சந்துரு கையில் உறை மற்றும் பாதுகாப்பு உபகரணங்களுடன் மின்கம்பத்தில் ஏறி வேலை செய்து கொண்டு இருந்தார். அப்போது திடீரென்று அவர் மீது மின்சாரம் தாக்கியதில் மின்கம்பத்திலேயே சாய்ந்தார்.
இது குறித்து தகவலறிந்த பெரியநாயக்கன்பாளையம் தீயணைப்புத் துறையினர் மற்றும் போலீசார் சம்பவ இடத்துக்கு விரைந்து சென்றனர். பின்னர் தீயணைப்புத்துறையினர் மின்கம்பத்தில் ஏறி சாய் சந்துருவை மீட்டு பெரியநாயக்கன்பாளையம் அரசு ஆஸ்பத்திரிக்கு அனுப்பி வைத்தனர்.
அங்கு அவரை பரிசோதித்த டாக்டர்கள் ஏற்கனவே சாய் சந்துரு இறந்துவிட்டதாக தெரிவித்தனர். இது குறித்து பெரியநாயக்கன் பாளையம் போலீசார் வழக்குப்பதிவு செய்து விசாரணை நடத்தி வருகிறார்கள்.
பலியான சாய் சந்துரு கடந்த 1-ந் தேதிதான் மின்வாரியத்தில் வேலையில் சேர்ந்தது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
