விழிப்புணர்வு கோலப்போட்டி

சிவகாசி, 

சட்டமன்ற தேர்தலின் போது சிவகாசி தொகுதி மக்கள் தகுதி உள்ள அனைவரும் தங்களது வாக்குகளை பதிவு செய்ய வேண்டும் என்றும், தேர்தல் அன்று 100 சதவீத வாக்குகள் பதிவு செய்வதை உறுதி செய்ய வேண்டும் என்பதை வலியுறுத்தி சிவகாசி யூனியன் அலுவலகத்தில் விழிப்புணர்வு கோலப்போட்டி நடைபெற்றது. இதில் பல்வேறு மகளிர் குழுக்கள் கலந்து கொண்டனர். இதில் 100 சதவீத வாக்குப்பதிவுகளை வலியுறுத்தி 15-க்கும் மேற்பட்ட கோலங்கள் வரையப்பட்டது. சிறந்த கோலங்களுக்கு அதிகாரிகள் பரிசுகளை வழங்கினர். இதே போல் திருத்தங்கல் நகராட்சி நிர்வாகம் சார்பில் நகராட்சி நிர்வாகத்துக்கு உட்பட்ட பகுதியில் 100 சதவீத வாக்குப்பதிவு நடக்க வேண்டும் என்று பொதுமக்களுக்கு விழிப்புணர்வு ஏற்படுத்தும் வகையில் கலைக்குழுவினரின் பிரசாரம் செய்யப்பட்டது.