பெண்ணிடம் 9 பவுன் நகை பறிப்பு

மதுரை, மார்ச்

மதுரை செல்லூர் ஆர்.எஸ்.நாயுடு தெருவை சேர்ந்தவர் அர்ச்சுணன். இவரது மனைவி முத்துச்சரம் (வயது 45). சம்பவத்தன்று இரவு இவர் கோவிலுக்கு செல்வதற்காக செல்லூர் எல்.ஐ.சி. அலுவலகம் அருகே நடந்து சென்றார். அப்போது மோட்டார் சைக்கிளில் 2 பேர் அவரை பின் தொடர்ந்து வந்தனர். திடீரென்று அவர்கள் முத்துச்சரம் கழுத்தில் அணிந்திருந்த 9 பவுன் நகையை பறித்து கொண்டு தப்பி விட்டனர். இது குறித்த புகாரின் பேரில் செல்லூர் போலீசார் வழக்குப்பதிவு செய்து விசாரணை நடத்தி வருகிறார்கள்.