பனை மரத்தில் கார் மோதி பாட்டி-பேத்தி சாவு

தேனி மாவட்டம் வடுகபட்டி கிராமத்தை சேர்ந்தவர் சண்முகசுந்தரம்(வயது 51). இவர் தனது குடும்பத்தினரை அழைத்துக்கொண்டு காரைக்குடியில் உள்ள உறவினர் வீட்டிற்கு காரில் புறப்பட்டு உள்ளார். காரை அவரது மருமகன் குருசாமி(36) ஓட்டினார்.
இதில் டிரைவரின் கட்டுப்பாட்டை இழந்த கார் ரோட்டோரம் உள்ள பனைமரத்தில் மோதி பள்ளத்தில் பாய்ந்து நின்றது. காருக்குள் இருந்தவர்கள் அய்யோ! அம்மா! என அலறினார்கள். கார் கதவை திறக்கமுடியவில்லை.
இந்த நிலையில் அந்த வழியாக வாகனங்களில் வந்தவர்களும் கார் கதவை திறக்க முயன்றனர். அவர்களால் முடியவில்ைல.
விபத்தில் சண்முகசுந்தரம், அவரது மனைவி முத்துலெட்சுமி (45), மருமகன் குருசாமி மற்றும் இரண்டு மகள்கள், பேரன், பேத்திகள் என 9 பேர் காயமடைந்தனர். காயம் அடைந்த 9 பேரும் சிகிச்சைக்காக திருப்பத்தூர் அரசு ஆஸ்பத்திரிக்கு கொண்டு சென்றனர். அங்கு சிகிச்சை பலனின்றி முத்துலட்சுமியும், 2 வயது குழந்தை சுபிக்‌ஷாவும் இறந்தனர். மற்றவர்களுக்கு சிகிச்சை அளிக்கப்படுகிறது.
இந்த சம்பவம் குறித்து திருப்பத்தூர் டவுன் போலீசார் வழக்குப்பதிவு செய்து விசாரணை நடத்தி வருகின்றனர்.
விபத்தில் பாட்டியும், பேத்தியும் பலியான சம்பவம் அப்பகுதியில் பெரும் சோகத்தை ஏற்படுத்தியது.