கொங்கணாபுரத்தில் ரூ.1 கோடிக்கு பருத்தி ஏலம்

எடப்பாடி:

திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் கொங்கணாபுரம் கிளையில் நேற்று பருத்தி ஏலம் நடைபெற்றது. சேலம், மேட்டூர், தர்மபுரி, கிருஷ்ணகிரி, பெரம்பலூர் பகுதிகளில் இருந்து விவசாயிகள் பருத்தி மூட்டைகளை கொண்டு வந்து ஏலத்தில் கலந்து கொண்டனர். மொத்தம் 3 ஆயிரத்து 500 மூட்டை பருத்தி  ரூ.1 கோடிக்கு ஏலம் சென்றது. டி.சி.எச். ரக பருத்தி குவிண்டால் ரூ.8 ஆயிரத்து 400 முதல் ரூ.9 ஆயிரத்து 983 வரை ஏலம் சென்றது. பி.டி. ரக பருத்தி குவிண்டால் ரூ.6 ஆயிரத்து 750 முதல் ரூ.8 ஆயிரத்து 69 வரை விற்பனையானது. இதில் சேலம், திருப்பூர், கோவை பகுதிகளில் இருந்து வியாபாரிகள் பலர் கலந்துகொண்டு பருத்தி மூட்டைகளை ஏலம் எடுத்தனர்.