659 புதிய வாக்காளர்களுக்கு அடையாள அட்டை வினியோகம்

கடந்த 2021-ம் ஆண்டின் வாக்காளர் பட்டியல் சிறப்பு சுருக்கத் திருத்தத்தின்போது வாக்காளர் பட்டியலில் புதிதாக பெயர் சேர்க்கப்பட்ட வாக்காளர்கள் தங்களது புகைப்பட அடையாள அட்டையினை e-EPIC செயலி மூலம் பதிவிறக்கம் செய்ய நேற்று முன்தினம், நேற்று ஆகிய 2 நாட்கள் சிறப்பு முகாம் நடந்தது.
காளையார்கோவிலில் நடைபெற்ற சிறப்பு முகாமை மாவட்ட கலெக்டர் மதுசூதன்ரெட்டி பார்வையிட்டார். அங்கு புதிய வாக்காளர்கள் அடையாள அட்டை பெறுவதை பார்வையிட்டு விசாரித்தார். பின்னர் அவர் கூறியதாவது:-
 இந்த முகாமில் 2 நாட்களில் காரைக்குடி தொகுதியில் 196 இளம் வாக்காளர்களும், திருப்பத்தூர் தொகுதியில் 150 பேரும், சிவகங்கை தொகுதியில் 168 பேரும், மானாமதுரை தொகுதியில் 145 பேர் என மொத்தம் 659 பேர் புதியதாக வாக்காளர் அட்டையை பதிவிறக்கம் செய்து உள்ளனர்.
 இவ்வாறு அவர் கூறினார்.