<
தேங்கி கிடக்கும் நெல் மூட்டைகளை விரைவில் கொள்முதல் செய்ய வேண்டும்
திருக்கடையூர் பகுதியில் கொள்முதல் நிலையங்களில் தேங்கி கிடக்கும் நெல் மூட்டைகளை விரைவில் கொள்முதல் செய்ய வேண்டும் என்று விவசாயிகள் கோரிக்கை விடுத்துள்ளனர்.
திருக்கடையூர்:
திருக்கடையூர் பகுதியில் கொள்முதல் நிலையங்களில் தேங்கி கிடக்கும் நெல் மூட்டைகளை விரைவில் கொள்முதல் செய்ய வேண்டும் என்று விவசாயிகள் கோரிக்கை விடுத்துள்ளனர்.
நெல் மூட்டைகள்
மயிலாடுதுறை மாவட்டம் திருக்கடையூர், கிள்ளியூர், மாமாகுடி உள்ளிட்ட நெல் கொள்முதல் நிலையங்களில் விவசாயிகளால் கொண்டுவரப்பட்ட நெல் மூட்டைகள் கடந்த 5 நாட்களாக அடுக்கி வைக்கப்பட்டுள்ளது.
இதுகுறித்து விவசாயிகள் கூறியதாவது:-
லாரிகள் தட்டுப்பாடு
சம்பா நெல் சாகுபடி செய்து அறுவடை நேரத்தில் பலத்த கனமழையால் நெல் பயிர்கள் சேதமடைந்து மகசூல் பாதிக்கப்பட்டது. இதில் ஓரளவு காப்பாற்றப்பட்ட நெற்பயிர்களை அறுவடை செய்து நெல் மூட்டைகளை நேரடி கொள்முதல் நிலையத்திற்கு கொண்டு சென்றால் அங்கு ஏற்கனவே கொள்முதல் செய்த நெல் மூட்டைகள் கொள்முதல் நிலையத்தில் தேங்கி கிடக்கிறது. இதற்கு காரணம் கொள்முதல் செய்த நெல் மூட்டைகளை ஏற்றி செல்வதற்கு சரியாக லாரிகள் வருவதில்லை என நேரடி கொள்முதல் நிலைய அதிகாரிகள் தரப்பில் கூறப்படுகிறது. அப்படியே வந்தாலும் ஓரிரு லாரிகள் மட்டுமே வருகிறது. நெல் மூட்டைகள் தேங்கி கிடப்பதற்கு முக்கிய காரணம் லாரிகள் தட்டுப்பாடு என கூறப்படுகிறது. ஒவ்வொரு நெல் கொள்முதல் நிலையத்திலும் 5 ஆயிரம் முதல் 10 ஆயிரம் வரை நெல் மூட்டைகள் தேங்கி கிடக்கின்றன.
விரைவில் கொள்முதல் செய்ய வேண்டும்
எனவே விவசாயிகள் கொண்டு வந்துள்ள நெல் மூட்டைகளை உடனடியாக நெல் கொள்முதல் நிலையங்களில் விற்க முடியாத நிலை ஏற்பட்டுள்ளது. நெல் மூட்டைகளை விற்பனை செய்து வாங்கிய கடனை அடைக்கலாம் என்று எதிர்பார்த்த விவசாயிகளுக்கு ஏமாற்றமே ஏற்பட்டுள்ளது.
எனவே நேரடி கொள்முதல் நிலையங்களில் தேங்கி கிடக்கும் நெல் மூட்டைகளை லாரிகள் மூலம் விரைவில் ஏற்றி செல்ல வேண்டும் என்றும், விவசாயிகள் அடுக்கி வைத்துள்ள நெல் மூட்டைகளை விரைவில் கொள்முதல் செய்ய வேண்டும் என்றும் விவசாயிகள் கோரிக்கை விடுத்துள்ளனர்
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
