சத்தியமங்கலம் மார்க்கெட்டில் முல்லைப்பூ கிலோ ரூ.880-க்கு ஏலம்

சத்தியமங்கலம்

சத்தியமங்கலத்தில் உள்ள கரட்டூர் ரோட்டில் பூ மார்க்கெட் இயங்கி வருகிறது. இந்த மார்க்கெட்டில் தினமும் காலை 7 மணி முதல் மதியம் 2 மணி வரை பூக்கள் ஏலம் நடைபெறும். இந்த ஏலத்துக்கு சத்தியமங்கலம், ராஜன் நகர், புதுபீர்கடவு, பவானிசாகர் மற்றும் அதன் சுற்றுவட்டார பகுதிகளில் இருந்து ஏராளமான விவசாயிகள் தங்களுடைய பூக்களை விற்பனைக்காக கொண்டு வருவார்கள். 

வழக்கம்போல் நேற்று காலை 7 மணிக்கு பூ மார்க்கெட்டில் ஏலம் தொடங்கியது. இந்த ஏலத்துக்கு சத்தியமங்கலம் மற்றும் சுற்றுவட்டார பகுதிகளில் இருந்து ஏராளமான விவசாயிகள் 3 டன் பூக்களை விற்பனைக்காக கொண்டு வந்திருந்தனர். 

நேற்று நடந்த ஏலத்தில் மல்லிகைப்பூ கிலோ ஒன்று ரூ.560-க்கும், முல்லை ரூ.880-க்கும், காக்கடா ரூ.225-க்கும், செண்டுமல்லி ரூ.73-க்கும், பட்டுப்பூ ரூ.100-க்கும், ஜாதிமல்லி ரூ.750-க்கும், கனகாம்பரம் ரூ.400-க்கும், சம்பங்கி ரூ.150-க்கும், அரளி ரூ.80-க்கும், துளசி ரூ.50-க்கும், செவ்வந்தி ரூ.150-க்கும் ஏலம் போனது.