<
வீட்டின் கதவை உடைத்து 4½ பவுன் நகை பணம் திருட்டு
பேராவூரணியில் ஓய்வு பெற்ற மின்வாரிய ஊழியர் வீட்டின் கதவை உடைத்து 4½ பவுன் நகை- பணம் ஆகியவற்றை திருடி சென்ற மர்மநபர்களை போலீசார் வலைவீசி தேடிவருகின்றனர்.
பேராவூரணி:
பேராவூரணியில் ஓய்வு பெற்ற மின்வாரிய ஊழியர் வீட்டின் கதவை உடைத்து 4½ பவுன் நகை- பணம் ஆகியவற்றை திருடி சென்ற மர்மநபர்களை போலீசார் வலைவீசி தேடிவருகின்றனர்.
ஓய்வு பெற்ற மின்வாரிய ஊழியர்
தஞ்சை மாவட்டம் பேராவூரணி சிதம்பரம் ரோடு பகுதியை சேர்ந்தவர் தங்கராசு( வயது65). இவர் தமிழ்நாடு மின்வாரியத்தில் பணியாற்றி ஓய்வு பெற்றவர். இவருக்கு பட்டுக்கோட்டை சாலை தளபதி நகரில் வாடகை குடியிருப்பு மற்றும் தனியாக வீடு உள்ளது. இந்தநிலையில் நேற்றுமுன்தினம் தங்கராசு, அவரது மனைவி ஆகிய இருவரும் தஞ்சையில் உள்ள ஒரு தனியார் மருத்துவமனைக்கு சென்று இருந்தனர். பின்னர் சிதம்பரம் ரோடு பகுதியில் இருக்கும் தனது வீட்டிற்கு வந்தனர். அப்போது வீட்டின் கதவு கம்பியால் உடைக்கப்பட்டு இருந்ததை கண்டு அதிர்ச்சி அடைந்தனர்.
4½ பவுன் நகை திருட்டு
பின்னர் வீட்டின் உள்ளே சென்று பார்த்த போது பீரோ உடைக்கப்பட்டு இருந்ததும், அதில் இருந்த 4½ பவுன் நகை மற்றும் ரூ.15 ஆயிரம் ஆகியவற்றை மர்மநபர்கள் திருடி சென்றது தெரியவந்தது. மேலும் தங்கராசின் வீட்டின் அருகே உள்ள ஒரு வீட்டின் கதவை உடைக்க முயன்ற போது அந்த வீட்டின் உள்ளே ஆட்கள் இருந்ததால் தாங்கள் கொண்டு வந்த கம்பியை அங்கேயே போட்டு விட்டு தப்பி ஓடிவிட்டனர்.
வலைவீச்சு
இதுகுறித்து பேராவூரணி போலீசில் தங்கராசு புகார் கொடுத்தார். அதன்பேரில் பேராவூரணி போலீசார் சம்பவ இடத்தை பார்வையிட்டு விசாரணை நடத்தி வருகி்ன்றனர். மேலும் தப்பி ஓடிய மர்மநபர்கள் போலீசார் வலைவீசி் தேடிவருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
