சேலத்தில் ரேஷன் அரிசி கடத்திய 2 பேர் சிக்கினர்

சேலம்:

சேலம் கொண்டலாம்பட்டி பகுதியில் ரேஷன் அரிசி கடத்தப்படுவதாக அந்த பகுதி பொதுமக்களுக்கு தகவல் வந்தது. இதையொட்டி நேற்று இரவு பொதுமக்கள் சிலர் அந்த வழியாக வந்த ஒரு சரக்கு ஆட்டோவை தடுத்து நிறுத்தி பார்த்தனர். அதில் ரேஷன் அரிசி இருப்பது தெரிந்தது. பின்னர் அவர்கள் கொண்டலாம்பட்டி போலீசாருக்கு தகவல் கொடுத்தனர். அதன்பேரில் போலீஸ் இன்ஸ்பெக்டர் தனசேகர் மற்றும் போலீசார் சம்பவ இடத்திற்கு வந்து விசாரணை நடத்தினர். அப்போது சரக்கு ஆட்டோவில் ரேஷன் அரிசி கடத்தி வந்தது தெரியவந்தது. இதையடுத்து 800 கிலோ ரேஷன் அரிசியை போலீசார் பறிமுதல் செய்து அதை கடத்தி வந்த 2 பேரிடம் விசாரணை நடத்தி வருகின்றனர்.