மேட்டூர் காவிரி ஆற்றில் ஆண் பிணம்

மேட்டூர்:

மேட்டூர் காவிரி ஆற்றில் இந்திரா நகர் படித்துறை அருகே சுமார் 35 வயதுடைய ஆண் பிணம் அழுகிய நிலையில் கரை ஒதுங்கி கிடந்தது. இறந்தவர் யார்? எந்த ஊரைச் சேர்ந்தவர் என்ற விவரம் தெரியவில்லை. இதுகுறித்து தகவல் கிடைத்ததும், மேட்டூர் போலீசார் சம்பவ இடத்துக்கு சென்று அந்த பிணத்தை கைப்பற்றி மேட்டூர் அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர். 

காவிரி ஆற்றில் பிணம் கிடந்தது தொடர்பாக வழக்குப்பதிவு செய்த மேட்டூர் போலீசார், இறந்த நபர் யார்? எந்த ஊரை சேர்ந்தவர்? எப்படி இறந்தார்? என்பது குறித்து விசாரணை நடத்தி வருகின்றனர்.