சிறுவனிடம் நகை திருடிய 2 பேர் கைது

அலங்காநல்லூர்

அலங்காநல்லூரில் நடந்த ஒரு திருமண நிகழ்ச்சிக்கு பெற்றோருடன் 9 வயது சிறுவன் சென்றிருந்தான். அப்போது அந்த சிறுவன் தனியாக இருந்தபோது, அவன் கழுத்தில் அணிந்திருந்த 3 பவுன் தங்கச்சங்கிலியை 2 பேர் பறித்து சென்றனர். இதுகுறித்து அலங்காநல்லூர் போலீசில் புகார் செய்யப்பட்டது. அதன்பேரில் அலங்காநல்லூர் போலீசார் அங்குள்ள கண்காணிப்பு கேமரா காட்சிகளை அடிப்படையாக கொண்டு விசாரணை நடத்தினர். இதில் மிளகரணையை சேர்ந்த பிரியதர்ஷினி(20), அம்பலதடியை சேர்ந்த பழனிகுமார்(22) என்ற இருவரும் நகையை திருடியது தெரியவந்தது. இருவரையும் கைது செய்த அலங்காநல்லூர் போலீசார் அவர்களிடமிருந்து 3 பவுன் தங்கச்சங்கிலியை மீட்டனர்.