தாரமங்கலம் அருகே நிலத்தகராறில் இருதரப்பினர் மோதல் இந்து முன்னணி நிர்வாகிகள் உள்பட 14 பேர் மீது வழக்கு

தாரமங்கலம்,

தாரமங்கலம் அருகே உள்ள துட்டம்பட்டி பகுதியை சேர்ந்தவர் மாரிமுத்து. இவருடைய மகன் ரத்தினசாமி (வயது 38). இவருக்கும் துட்டம்பட்டி பனஞ்சாரி பகுதியை சேர்ந்த இந்து முன்னணி மாவட்ட பொருளாளர் சேகர் (43) என்பவருக்கும் இடையே நிலத்தகராறு சம்பந்தமாக வழக்கு நீதிமன்றத்தில் நடைபெற்று வருகிறது. இந்நிலையில் நேற்று மீண்டும் நிலம்தொடர்பான பேச்சுவார்த்தையில் மோதல் ஏற்பட்டு கைகலப்பாக மாறியது. இதில் ரத்தினசாமி தரப்பில் கோவிந்தசாமி, ராஜேந்திரன், சுஜித், சுப்பிரமணி, செல்வம், வெங்கட், குஞ்சாலன் ஆகியோர் மீதும், சேகர் தரப்பில் வேலு, சின்னுசாமி, படவெட்டி, இந்து முன்னணி மாவட்ட துணைத்தலைவர் பழனிசாமி, மாரியப்பன் உள்பட 14 பேர் மீது தாரமங்கலம் போலீசார் வழக்குப்பதிவு செய்து விசாரித்து வருகின்றனர்.