<
பறக்கும் படை சோதனையில் 2 வியாபாரிகளிடம் ரூ.3 லட்சம் பறிமுதல்
உத்தமபாளையத்தில் பறக்கும் படையினர் நடத்திய சோதனையில் 2 வியாபாரிகளிடம் ரூ.3 லட்சம் பறிமுதல் செய்யப்பட்டது.
தேனி:
உத்தமபாளையத்தில் இருந்து கோம்பை செல்லும் சாலையில் ஊத்தன்காடு சந்திப்பு பகுதியில் பறக்கும் படையினர் நேற்று முன்தினம் நள்ளிரவில் வாகன தணிக்கையில் ஈடுபட்டனர். அப்போது அந்த வழியாக சரக்கு வேனில் வந்த போடியை சேர்ந்த பாலு என்பவரிடம் பறக்கும் படையினர் சோதனையிட்டனர்.
பூ வியாபாரியான அவரிடம் ரூ.78 ஆயிரத்து 500 இருந்தது. அதற்கு அவரிடம் உரிய ஆவணங்கள் இல்லை. இதையடுத்து அந்த பணத்தை பறக்கும் படையினர் பறிமுதல் செய்தனர்.
இதேபோல், உத்தமபாளையம் கோர்ட்டு அருகே பறக்கும் படையினர் நேற்று காலையில் வாகன தணிக்கை செய்தனர். அப்போது அந்த வழியாக சரக்கு வேனில் வந்த கம்பத்தை சேர்ந்த ஜெய்லானி என்பவரிடம் சோதனையிட்டனர்.
ஆட்டு வியாபாரியான அவரிடம் ரூ.2 லட்சத்து 40 ஆயிரம் இருந்தது. அதற்கு அவரிடம் தகுந்த ஆவணங்கள் இல்லை. இதனால், அந்த பணத்தையும் பறக்கும் படையினர் பறிமுதல் செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
