நெல்லையில் வாக்கு எண்ணும் மையத்தில் பராமரிப்பு பணி

நெல்லை:

தமிழகத்தில் சட்டசபை தேர்தல் வருகிற ஏப்ரல் மாதம் 6-ந் தேதி நடக்கிறது. இதையொட்டி தேர்தல் ஆணையம் அனைத்து ஏற்பாடுகளையும் செய்து வருகிறது. நெல்லை மாவட்டத்திலும் தேர்தலுக்கான அனைத்து ஏற்பாடுகளும் செய்யப்பட்டு வருகின்றன. நெல்லை மாவட்டத்தில் உள்ள பாளையங்கோட்டை, நெல்லை, நாங்குநேரி, அம்பை, ராதாபுரம் ஆகிய 5 சட்டசபை தொகுதிகளிலும் பதிவான வாக்குகள் பாளையங்கோட்டையில் உள்ள அரசு என்ஜினீயரிங் கல்லூரியில் வைத்து எண்ணப்படுகிறது. இந்த நிலையில் அங்கு வாக்கு எண்ணிக்கை மையத்தில் தடுப்பு சுவர் ஏற்படுத்துதல், உடைந்து கிடக்கின்ற கட்டிடங்களை சரி செய்தல் உள்ளிட்ட பராமரிப்பு பணிகள் பொதுப்பணித் துறையின் மூலம் நடைபெறுகின்றன.