சத்தியமங்கலம் மார்க்கெட்டில் மல்லிகைப்பூ கிலோ ரூ.245-க்கு ஏலம்

சத்தியமங்கலம் மார்க்கெட்டில் மல்லிகைப்பூ கிலோ ரூ.245-க்கு ஏலம் போனது.

பூக்கள் ஏலம் 

சத்தியமங்கலம் கரட்டூர் ரோட்டில் பூ மார்க்கெட் உள்ளது. இந்த மார்க்கெட்டில் தினமும் காலை 7 மணி முதல் மதியம் 2 மணி வரை பூக்கள் ஏலம் நடைபெறும். அதன்படி நேற்று பூக்கள் ஏலம் நடந்தது.

இந்த ஏலத்துக்கு சத்தியமங்கலம் மற்றும் சுற்றுவட்டாரப் பகுதிகளில் இருந்து விவசாயிகள் 3½ டன் பூக்களை கொண்டு வந்திருந்தார்கள். இதில் மல்லிகைப்பூ ஒரு கிலோ ரூ.245-க்கும், முல்லை ரூ.320-க்கும், காக்கடா ரூ.75-க்கும், செண்டுமல்லி ரூ.35-க்கும், பட்டுப்பூ ரூ.60-க்கும், ஜாதிமல்லி ரூ.450-க்கும், கனகாம்பரம் ரூ.230-க்கும், சம்பங்கி ரூ.50-க்கும், அரளி ரூ.50-க்கும், துளசி ரூ.40-க்கும், செவ்வந்தி ரூ.140-க்கும் ஏலம் போனது.