பெரம்பலூரில் 2 பேருக்கு கொரோனா தொற்று

பெரம்பலூர்,

பெரம்பலூர் மாவட்டத்தில் நேற்று பெரம்பலூர் ஊராட்சி ஒன்றியத்துக்கு உட்பட்ட பகுதியில் 2 பேர் கொரோனா தொற்றால் பாதிக்கப்பட்டுள்ளனர். இதனால் மாவட்டத்தில் கொரோனாவினால் பாதிக்கப்பட்டவர்களின் எண்ணிக்கை 2 ஆயிரத்து 300 ஆக உயர்ந்துள்ளது. இதில் ஏற்கனவே 21 பேர் உயிரிழந்துள்ளனர். 2 ஆயிரத்து 271 பேர் சிகிச்சை பெற்று வீடு திரும்பியுள்ளனர். தற்போது 8 பேர் சிகிச்சை பெற்று வருகின்றனர். 

இதில் பெரம்பலூர்- எளம்பலூர் சாலையில் ஒரே வீட்டில் ஆசிரிய தம்பதி, அவர்களது மகன் என 3 பேர் கொரோனா தொற்றால் பாதிக்கப்பட்டுள்ளனர் என்பது குறிப்பிடத்தக்கது. அந்த வீட்டின் முன்பு தடை செய்யப்பட்ட பகுதி என்று சுகாதாரத்துறையினரால் தடுப்பு கம்பிகளில் எச்சரிக்கை பதாகை தொங்கவிடப்பட்டுள்ளது. 

மேலும் பெரம்பலூர் மாவட்டத்தில் 446 பேருக்கும் கொரோனா மருத்துவ பரிசோதனை முடிவுகள் வரவேண்டியுள்ளது.