ஜவுளி பூங்கா அமைக்க பாடுபடுவேன் அ.ம.மு.க.வேட்பாளர் எம்.எஸ்.ஆர்.ராஜவர்மன் எம்.எல்.ஏ. பேச்சு

ராஜபாளையம் ,

ராஜபாளையம் கிழக்கு ஒன்றிய பகுதிகளான பேயம்பட்டி, அனந்தப்பநாயக்கன்பட்டி,தேவராயன்பட்டி,கோபாலபுரம், மேட்டு வடகரை, சிவலிங்காபுரம்,நரிக்குளம், ஊஞ்சாம்பட்டி, தென்கரை, கீழராஜகுலராமன் உள்ளிட்ட பகுதியில் எம்.எஸ்.ஆர்.ராஜவர்மன் எம்.எல்.ஏ. குக்கர் சின்னத்திற்கு வாக்குகள் சேகரித்தார். அப்போது அவர் பேசுகையில், இந்த பகுதியில் அதிகமானோர் நெசவு தொழில் செய்து வருகின்றனர். 

இந்த பகுதியில் உள்ள மக்களுக்காகவே ராஜபாளையம் ஒன்றிய பகுதியில் ஜவுளி பூங்கா அமைக்க பாடுபடுவேன். குடிநீர் பிரச்சனையை போக்க மேல்நிலை நீர்தேக்க குடிநீர் தொட்டி அமைத்துள்ளேன், பல பகுதிகளில் தார்சாலை, வீட்டிற்கு குடிநீர் இணைப்பு அமைக்க நடவடிக்கை எடுத்துள்ளேன். இந்தப் பகுதி மக்கள் நலன் காக்க கொரோனா காலத்தில் முகக்கவசம் மற்றும் கிருமி நாசினி தெளித்து மாத்திரைகளை தொகுதி முழுவதும் வழங்கியுள்ளேன். 

மேலும் பேவர் பிளாக் சாலை, அரசு மேல்நிலை நீர்த்தேக்கத் தொட்டி அமைத்துள்ளேன். நீங்கள் எனக்கு அ.ம.மு.க வின் வெற்றி சின்னமான குக்கர் சின்னத்திற்கு வாக்களித்து வெற்றி பெறச் செய்தால் உடனடியாக இந்த பகுதியில் உள்ள பள்ளிகளின் தரம் உயர்த்த பாடுபடுவேன். வீடுகள் தோறும் குடிநீர் குழாய் இணைப்பு அமைத்து, முக்கிய சாலை சந்திப்புகளில் உயர் மின்விளக்கு கோபுரங்கள் அமைக்க நடவடிக்கை எடுக்கப்படும் என்றார். 

அவருடன் அ.ம.மு.க கட்சி நகர ஒன்றிய நிர்வாகிகள் மற்றும் தொண்டர்கள் தேமுதிக நகர ஒன்றிய கழக நிர்வாகிகள் மற்றும் தொண்டர்கள் மற்றும் கூட்டணி கட்சி நிர்வாகிகள் மற்றும் தொண்டர்கள் பொதுமக்கள் என ஏராளமானோர் கலந்து கொண்டனர்.