தேர்தல் விதிமீறல்; 164 வழக்குகள் பதிவு

ராமநாதபுரம் மாவட்டத்தில் சட்டமன்ற தேர்தல் நடத்தை விதிகள் அமலுக்கு வந்துள்ளதை தொடர்ந்து விதிமீறல்கள் தீவிரமாக கண்காணிக்கப்பட்டு நடவடிக்கை எடுக்கப்பட்டு வருகிறது. இதன்படி மாவட்டத்தில் நேற்று முன்தினம் தேர்தல் விதிகளை மீறியதாக அ.தி.மு.க. மீது 2 வழக்கும், தி.மு.க. மீது 4 வழக்குகளும், அ.ம.மு.க. மற்றும் பா.ஜ.க. மீது தலா 2 வழக்குகளும், தமிழக மக்கள் முன்னேற்ற கழகம் கட்சி மீது 3 வழக்குகளும், நாம் தமிழர் கட்சி மற்றும் இதர கட்சி மீது தலா ஒரு வழக்கும் என மொத்தம் 15 வழக்குகள் பதிவு செய்யப்பட்டுள்ளன.
தேர்தல் தேதி அறிவிக்கப்பட்டது முதல் இதுவரை மாவட்டத்தில் அ.தி.மு.க. மீது 47 வழக்குகளும், அ.ம.மு.க. மீது 23 வழக்குகளும், தி.மு.க. மீது 42 வழக்குகளும், காங்கிரஸ் கட்சி மீது 3 வழக்குகளும், பா.ஜ.க. மீது 7 வழக்குகளும், எஸ்.டி.பி.ஐ. மீது 2 வழக்குகளும், நாம் தமிழர் கட்சி மீது 7 வழக்குகளும், தே.மு.தி.க. மீது 4 வழக்குகளும், சி.பி.ஐ. மற்றும் மார்க்சிஸ்ட், நாம் இந்தியர், இந்து மக்கள் கட்சி ஆகியவற்றின் மீது தலா ஒரு வழக்கும், தமிழக மக்கள் முன்னேற்ற கழகம் மீது 3 வழக்குகளும், இதர கட்சியினர் மீது 22 வழக்குகளும் என மொத்தம் 164 வழக்குகள் பதிவு செய்யப்பட்டுள்ளன.