<
90 நாட்களுக்கு பிறகு மேட்டூர் அணை நீர்மட்டம் 100 அடிக்கு கீழ் குறைந்தது
90 நாட்களுக்கு பிறகு மேட்டூர் அணை நீர்மட்டம் 100 அடிக்கு கீழ் குறைந்தது.
மேட்டூர்:
மேட்டூர் அணை நீர்மட்டம் 90 நாட்களுக்கு பிறகு 100 அடிக்கு கீழ் குறைந்தது.
மேட்டூர் அணை
கடந்த ஆண்டு பருவமழை கை கொடுத்ததால் மேட்டூர் அணைக்கு தண்ணீர் வரத்து அதிகரித்தது. இதனால் பாசனத்துக்கு தேவையான அளவு தண்ணீர் கிடைத்தது. காவிரி நீர்ப்பிடிப்பு பகுதிகளில் பெய்த தொடர் மழையால் கடந்த ஆண்டு நவம்பர் மாதம் 27-ந் தேதி மேட்டூர் அணை நீர்மட்டம் 100 அடியை எட்டியது.
இதைத்தொடர்ந்து அணையின் நீர்மட்டம் 100 அடிக்கு மேலேயே நீடித்து வந்தது. இந்த நிலையில் நீர்ப்பிடிப்பு பகுதிகளில் மழை பெய்யாததால், அணைக்கு வரும் நீரின் அளவு குறைந்து கொண்டே வந்தது. மேலும் அணையில் இருந்து காவிரி டெல்டா பாசனத்துக்கு கடந்த ஜனவரி மாதம் முதல் தண்ணீர் திறப்பது நிறுத்தப்பட்டது.
100 அடிக்கு கீழ் குறைந்தது
இதையடுத்து அணையில் இருந்து குடிநீர் தேவைக்காக வினாடிக்கு ஆயிரத்து 500 கனஅடி வீதம் தற்போது வரை தண்ணீர் திறந்து விடப்பட்டு வருகிறது. அணைக்கு வினாடிக்கு 100 கனஅடிக்கு குறைவாகவே தண்ணீர் வந்து கொண்டு உள்ளது. இதனால் அணைக்கு வரும் நீரின் அளவை விட திறப்பு பலமடங்கு அதிகமாக இருப்பதால் அணையின் நீர்மட்டம் குறைந்து கொண்டே வருகிறது.
நேற்று காலை நிலவரப்படி அணையின் நீர்மட்டம் 100.05 அடியாக இருந்தது. அணைக்கு வினாடிக்கு 56 கனஅடி வீதம் தண்ணீர் வந்து கொண்டு இருந்தது. இதனிடையே நேற்று மாலையில் அணையின் நீர்மட்டம் 100 அடிக்கு கீழ் குறைந்தது. அதாவது 90 நாட்களுக்கு பிறகு நீர்மட்டம் 100 அடிக்கு கீழ் குறைந்து குறிப்பிடத்தக்கது ஆகும்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
