<
குண்டடம் வாரச்சந்தையில் ஆடு, மாடு, கோழி விலை வீழ்ச்சி
குண்டடம் வாரச்சந்தையில் ஆடு, மாடுகள் மற்றும் கோழிகள் வரத்து அதிகரிப்பால் விலை வீழ்ச்சியடைந்தது.
குண்டடம், மார்ச்.28-
குண்டடம் வாரச்சந்தையில் ஆடு, மாடுகள் மற்றும் கோழிகள் வரத்து அதிகரிப்பால் விலை வீழ்ச்சியடைந்தது.
வாரச்சந்தை
குண்டடம் வாரச்சந்தையில் சனிக்கிழமை தோறும் அதிகாலை 2 மணி முதல் காலை 9 மணி வரை கோழிகள் மற்றும் ஆடுகள் விற்பனை நடைபெறும். பின்னர் மதியம் 1 மணி முதல் மாலை 6 மணி வரை மாட்டுச்சந்தை நடக்கிறது. இந்த சந்தைக்கு குண்டடம், காங்கேயம், தாராபுரம், ஊதியூர், மடத்துக்குளம், பல்லடம், பூளவாடி, திருப்பூர், மேச்சேரி, கர்நாடகா உள்ளிட்ட பகுதிகளைச் சேர்ந்த விவசாயிகள், வியாபாரிகள் விற்பனைக்காக கோழி ஆடுகள் மற்றும் மாடுகள், வளர்ப்புக் கன்றுகள், காளைகன்றுகளை கொண்டு வருகின்றனர்.
இவைகளை வாங்க ஊட்டி, ஈரோடு, கோவை, திருப்பூர், தாராபுரம், பொள்ளாச்சி, கேரளா ஆந்திரா, கர்நாடக மேச்சேரி ஆகிய பகுதிகளைச் சேர்ந்த வியாபாரிகள் வந்து மாடுகளை வாங்கிச் செல்கின்றனர். வாரம்தோறும் சுமார் 2 ஆயிரம் கோழிகள், 3 ஆயிரம் ஆடுகள், 2 ஆயிரம் மாடுகள் இங்கு விற்பனைக்கு வருகின்றன.
இது குறித்து ஒரு வியாபாரி கூறியதாவது:
விலை வீழ்ச்சி
குண்டடம் வாரச்சந்தைக்கு கடந்த சில வாரங்களாக கோழி, ஆடுகள் மாடுகள் வரத்து அதிகரித்திருந்தது. அதுபோல் இந்த வாரமும் கால்நடைகளை அதிகளவில் விற்பனைக்கு கொண்டுவந்தனர்
இதனால் கடந்த வாரங்களில் ரூ.40ஆயிரம் வரை விலைபோன கறவை மாடுகள் இந்த வாரம் ரூ.35 ஆயிரம் வரை விலைபோனது. ரூ.20ஆயிரம் வரை விலைபோன வளர்ப்புக் கிடாரிகள் இந்த வாரம் ரூ.15ஆயிரத்துக்கு விலை போனது. இறைச்சிக்கு ரூ.25 ஆயிரம் முதல் விலை போன மாடுகள் ரூ.20ஆயிரம் வரை விற்பனையானது.
இதேபோல் கடந்த மாதத்தில் 2 குட்டியுடன் கூடிய வளர்ப்பு ஆடுகள் ரூ.13 ஆயிரம் வரை விலை போனது இந்த வாரம் ரூ.10 ஆயிரம் வரையே விலைபோனது. மேலும் 10 கிலோ எடை கொண்ட இறைச்சி ஆடு கடந்த சீசனில் ரூ.6 ஆயிரத்து 500 க்கு விலைபோனது. ஆனால் இந்தவாரம் 5 ஆயிரத்து 500- க்கு விற்பனையானது. அதேபோல் 1 கிலோ எடையுள்ள கோழி கடந்த சீசனில் ரூ.330வரை விற்றது இந்தவாரம் ரூ.280வரை விலைபோனது.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
