உளுந்தூர்பேட்டையில் பறக்கும்படை சோதனையில் ரூ.1 லட்சம் பறிமுதல்

உளுந்தூர்பேட்டை

உளுந்தூர்பேட்டை தேர்தல் பறக்கும் படை அதிகாரிகள் உளுந்தூர்பேட்டை அருகே உள்ள காட்டு எடையார் பகுதியில் தீவிர ரோந்து பணியில் ஈடுபட்டிருந்தனர். அப்போது அந்த வழியாக இருசக்கர வாகனத்தில் வந்த நபரை வழிமறித்து சோதனை செய்தபோது அவரிடம் ரூ.1 லட்சத்து 20 ஆயிரம் இருந்ததை கண்டுபிடித்தனர். ஆனால் உரிய ஆவணம் இல்லாததால் பணத்தை பறிமுதல் செய்து அதிகாரிகள் அதை உளுந்தூர்பேட்டை தேர்தல் நடத்தும் அலுவலரிடம் ஒப்படைத்தனர்.