விஷம் குடித்த விவசாயி சாவு

விக்கிரமங்கலம்
அரியலூர் மாவட்டம், விக்கிரமங்கலம் அருகே உடையவர் தீயனூர் கீழத் தெருவை சேர்ந்தவர் செல்வம் (வயது 45). விவசாயியான இவர் கடந்த சில ஆண்டுகளாக நோயால் பாதிக்கப்பட்டு இருந்ததாக கூறப்படுகிறது. இதனால், மனவேதனையில் இருந்த அவர் கடந்த 25-ந் தேதி பூச்சிமருந்தை (விஷம்) குடித்தார். தஞ்சை அரசு மருத்துவக்கல்லூரி மருத்துவமனையில் சேர்க்கப்பட்ட அவா் அங்கு சிகிச்சை பலனின்றி இறந்தார். இதுகுறித்து செல்வத்தின் தந்தை கலியபெருமாள் கொடுத்த புகாரின்பேரில் விக்கிரமங்கலம் போலீஸ் சப்-இன்ஸ்பெக்டர் கருணாநிதி வழக்குப்பதிவு செய்து விசாரணை நடத்தி வருகிறார்.