பக்தர்கள் முளைப்பாரி ஊர்வலம்

பனைக்குளம்

மண்டபம் யூனியன் இரட்டையூரணி கிராமத்தில் மருத்துவ உறவின் முறைக்கு பாத்தியப்பட்ட பாப்பாத்தி அம்மன் கோவில் உள்ளது. இந்த கோவிலில் பங்குனி உற்சவ திருவிழா காப்பு கட்டுதலுடன் கடந்த மார்ச் மாதம் 21 -ந் தேதி தொடங்கியது. விழாவில் கடந்த 30-ந் தேதி அம்மனுக்கு சிறப்பு அபிஷேக ஆராதனை நடைபெற்றது. ஏராளமான பக்தர்கள் கரகம் எடுத்தும், முளைப்பாரி சுமந்தும், அக்னிச்சட்டி எடுத்தும் நேர்த்திக்கடன் செலுத்தினர். மறுநாள் அம்மனுக்கு காவடி, பால்குடம் எடுக்கும் நிகழ்ச்சி நடைபெற்றது. விழா ஏற்பாடுகளை கோவில் நிர்வாகத்தினர் செய்து வருகின்றனர்.