மாவட்ட செய்திகள்

தேர்தல் பாதுகாப்பு பணியில் ஈடுபட்ட போலீஸ் ஏட்டை தாக்கிய 4 பேர் மீது வழக்கு; 2 பேர் கைது + "||" + Case filed against 4 persons who attacked a police card engaged in election security work

தேர்தல் பாதுகாப்பு பணியில் ஈடுபட்ட போலீஸ் ஏட்டை தாக்கிய 4 பேர் மீது வழக்கு; 2 பேர் கைது

தேர்தல் பாதுகாப்பு பணியில் ஈடுபட்ட போலீஸ் ஏட்டை தாக்கிய 4 பேர் மீது வழக்கு; 2 பேர் கைது
ஜெயங்கொண்டம் அருகே தேர்தல் பாதுகாப்பு பணியில் ஈடுபட்ட போலீஸ் ஏட்டை தாக்கிய 4 பேர் மீது வழக்குப்பதிவு செய்யப்பட்டது. அதில் 2 பேர் கைது செய்யப்பட்டனர்.
ஜெயங்கொண்டம்:
அரியலூர் மாவட்டம் ஜெயங்கொண்டம் அருகே கொடுக்கூர் கிராமத்தை சேர்ந்தவர் கதிர்வேல். இவர் தளவாய் போலீஸ் நிலையத்தில் ஏட்டாக பணிபுரிந்து வருகிறார். இவர், கடந்த 6-ந் தேதி சட்டமன்ற தேர்தலுக்கான வாக்குப்பதிவையொட்டி உத்திரக்குடி வாக்குச்சாவடி மையத்தில் பாதுகாப்பு பணியில் ஈடுபட்டார். அப்போது அதே பகுதியை சேர்ந்த ராஜாராமன், பழனிச்சாமி, சித்திரவேல், பாஸ்கர் ஆகிய 4 பேரும் இருசக்கர வாகனத்தில் வந்தனர். அவர்கள் வாக்குச்சாவடி மையத்திற்கு முன்பு இடையூறு அளிக்கும் வகையில் வாகனத்தை நிறுத்தியதாக கூறப்படுகிறது. அதை பார்த்த ஏட்டு கதிர்வேல், வாகனத்தை ஓரமாக நிறுத்துமாறு அறிவுறுத்தியுள்ளார். இது தொடர்பாக கதிர்வேலுடன் வாக்குவாதத்தில் ஈடுபட்ட 4 பேரும், அவரை பணி செய்ய விடாமல் திட்டி தாக்கியதாக கூறப்படுகிறது. இதுகுறித்து ஜெயங்கொண்டம் போலீஸ் நிலையத்தில் கதிர்வேல் அளித்த புகாரின் பேரில், 4 பேர் மீதும் சப்-இன்ஸ்பெக்டர் தமிழரசன் வழக்குப்பதிவு செய்து பழனிச்சாமி(வயது 42), சித்திரவேல் (32) ஆகியோரை கைது செய்தனர். தலைமறைவான ராஜாராமன், பாஸ்கர் ஆகியோரை தேடி வருகின்றனர்.

தொடர்புடைய செய்திகள்

1. பா.ஜ.க.வுக்கு வாக்களித்தால் காவிமயமாகி விடும்; முன்னாள் முதல்-அமைச்சர் நாராயணசாமி தாக்கு
பா.ஜ.க.வுக்கு வாக்களித்தால் காவிமயமாகி விடும் என முன்னாள் முதல்-அமைச்சர் நாராயணசாமி கூறினார்.
2. தேர்தல் பிரசாரத்திற்கு சென்றவர்கள் மீது தாக்குதல்
தேர்தல் பிரசாரத்திற்கு சென்றவர்கள் மீது தாக்குதல் நடத்தப்பட்டது.
3. கிராம நிர்வாக உதவியாளர் மீது தாக்குதல்
கிராம நிர்வாக உதவியாளர் தாக்கப்பட்டார்.
4. திருவள்ளூர் அருகே வாலிபருக்கு வெட்டு
திருவள்ளூர் அருகே வாலிபருக்கு கத்தியால் தலையில் வெட்டி உள்ளார்.
5. ஆப்கானிஸ்தானில் ஐ.நா. உயர் அதிகாரியை குறிவைத்து கார் குண்டு தாக்குதல்; ராணுவ வீரர்கள் 5 பேர் பலி
ஆப்கானிஸ்தானில் அந்த நாட்டு அரசுக்கும் தலீபான் பயங்கரவாத அமைப்புக்கும் இடையே 20 ஆண்டுகளாக உள்நாட்டு போர் நடக்கிறது.