தேனி மாவட்டத்தில் ஏறுமுகத்தில் கொரோனா பாதிப்பு

ஆண்டிப்பட்டி:

உலக நாடுகளை அச்சுறுத்தி வரும் கொடிய கொரோனா வைரசின் பாதிப்பு, கடந்த சில மாதங்களாக குறைந்திருந்த நிலையில், தற்போது மீண்டும் விஸ்வரூபம் எடுக்க தொடங்கியுள்ளது. இது கொரோனா பாதிப்பின் 2-வது அலையாக பார்க்கப்படுகிறது. தமிழகத்தில் கடந்த சில நாட்களாக கொரோனாவால் பாதிக்கப்படுவோரின் எண்ணிக்கை அதிகரித்து வருகிறது. தினசரி பாதிப்பு 4 ஆயிரத்தை கடந்துவிட்டது. இதனால் பொதுமக்கள் அச்சத்தில் உள்ளனர். 

தேனி மாவட்டத்தை பொறுத்தவரையில் தொற்று பாதிப்பு 10-க்குள் இருந்தது. இந்தநிலையில் கடந்த சில நாட்களாக கொரோனா பாதிப்பு 20-க்கு மேலாக உள்ளது. தொடர்ந்து தொற்று பாதிப்பு மாவட்டத்தில் ஏறுமுகமாகவே இருக்கிறது. இதற்கிடையே நேற்று ஒரேநாளில் 37 பேருக்கு கொரோனா வைரஸ் பாதிப்பு இருப்பது உறுதியானது. இதன்மூலம் மாவட்டத்தில் கொரோனாவால் பாதிக்கப்பட்டோரின் எண்ணிக்கை  17 ஆயிரத்து 474 ஆக அதிகரித்துள்ளது.