<
பஸ் மோதி மூதாட்டி பலி
பஸ் மோதி மூதாட்டி பரிதாபமாக உயிரிழந்தார்.
தொண்டி,
திருவாடானை அருகே உள்ள வடக்கலூர் கிராமத்தைச் சேர்ந்தவர் முத்தையா (வயது 70) விவசாயி. இவரும் இவரது மனைவி மாரிக்கண்ணு (60) ஆகிய 2 பேரும் மோட்டார்சைக்கிளில் தொண்டி அருகே உள்ள நம்புதாளையில் உறவினரின் இறப்புக்கு சென்றுவிட்டு திரும்பி வந்துள்ளனர். அப்போது அந்த வழியாக வந்த அரசு பஸ் மோட்டார் சைக்கிளில் மீது மோதியது. இதில் மாரிக்கண்ணு படுகாயம் அடைந்து சம்பவ இடத்திலேயே பரிதாபமாக உயிரிழந்தார். மோதிய அரசு பஸ் நிற்காமல் வேகமாக சென்று விட்டது. தகவல் அறிந்து சம்பவ இடத்திற்கு வந்த இவர்களது உறவினர்கள் பஸ் டிரைவரை உடனடியாக கைது செய்ய வலியுறுத்தி சாலை மறியலில் ஈடுபட்டனர். தகவல் அறிந்து சம்பவ இடத்திற்கு வந்த போலீசார் போராட்டத்தில் ஈடுபட்டவர் களுடன் சமரச பேச்சுவார்த்தை நடத்தி விரைவில் அரசு பஸ் டிரைவரை கைது செய்வதாக உறுதியளித்ததை தொடர்ந்து போராட்டத்தில் ஈடுபட்டவர்கள் கலைந்து சென்றனர். அதனை தொடர்ந்து போலீசார் மாரிக்கண்ணுவின் உடலை கைப்பற்றி அரசு மருத்துவமனைக்கு பிரேத பரிசோதனைக்கு அனுப்பி வைத்தனர். இந்நிலையில் விபத்துக்கு காரணமான அரசு பஸ்சை எஸ்.பி. பட்டினம் அருகே போலீசார் மடக்கி பிடித்தனர். இதுகுறித்த புகாரின் பேரில் போலீஸ் சப்-இன்ஸ்பெக்டர் சித்தன் வழக்குப்பதிவு செய்து அரசு பஸ் டிரைவரான புதுக்கோட்டையைச் சேர்ந்த ராமச்சந்திரன்என்பவரை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
