முதியவர் மீது மோட்டார் சைக்கிள் மோதல்

கரூர் மாவட்டம் பாலத்துறை அருகே பஜனைமட த்தெருவைச் சேர்ந்தவர் சுப்ரமணி (வயது 64). இவர் அப்பகுதியில் உள்ள ஒரு அரசு பள்ளி அருகே தார் சாலையில் ஓரமாக நடந்து சென்று கொண்டிருந்தார். அப்போது அவருக்கு பின்னால் வந்த ஒரு மோட்டார் சைக்கிள் சுப்பிரமணி மீது மோதியது. இதில் சுப்பிரமணி படுகாயம் அடைந்தார். இதையடுத்து அவர் கரூரில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். இது குறித்து சுப்பிரமணியின் மகன் சூர்யா கொடுத்த புகார்பேரின் வேலாயுதம்பாளையம் போலீசார் வழக்குப்பதிவு செய்து விசாரணை நடத்தி வருகின்றனர்.