வாக்குச்சாவடியாக செயல்பட்ட பள்ளிகளில் கிருமிநாசினி தெளிப்பு தீவிரம்

காரைக்குடி,
-
கொரோனா

நாடு முழுவதும் தற்போது கொரோனா 2-வது அலையாக வேகமாக பரவி வருகிறது. ஏற்கனவே கடந்த ஆண்டு மார்ச் மாதத்தில் தொடங்கிய இந்த கொரோனா பரவல் காரணமாக நாடு முழுவதும் ஊரடங்கு அறிவிக்கப்பட்டு அமல்படுத்தப்பட்டது. அதைத்தொடர்ந்து கொரோனா பரவல் குறைய தொடங்கியதை அடுத்தடுத்து ஊரடங்கில் பல்வேறு தளர்வுகள் அறிவிக்கப்பட்டன.
இதுதவிர மாலை 6 மணி முதல் 7 மணி வரை கொரோனா நோயாளிகள் வாக்களிப்பதற்கு நேரம் ஒதுக்கப்பட்டு அவர்களும் வந்து வாக்களித்து சென்றனர். இதையடுத்து இந்த வாக்குச்சாவடியாக செயல்பட்ட பள்ளிகளில் கொரோனா தடுப்பு நடவடிக்கையாக கிருமி நாசினி தெளிக்க உத்தரவிடப்பட்டது.
மேலும் வருகிற 3-ந்தேதி முதல் பிளஸ்-2 மாணவர்களுக்கு மட்டும் பொதுத்தேர்வு நடைபெற உள்ளதால் இந்த முன்னெச்சரிக்கை நடவடிக்கை மேற்கொள்ளப்பட்டு உள்ளது. இதையடுத்து பள்ளி முகப்பு பகுதி, வாக்குச்சாவடி மையம் செயல்பட்ட அறை, தலைமை ஆசிரியர் அறை, வரவேற்பு அறை மற்றும் பள்ளியை சுற்றிலும் கிருமி நாசினி தெளிப்பு பணி தீவிரமாக நடைபெற்று வருகிறது. மேலும் இந்த பணிகளை அந்தந்த பள்ளி தலைமை ஆசிரியர்கள் நேரடியாக வந்து பார்வையிட்டனர்.