மோட்டார்சைக்கிள் திருடியவர் கைது

புளியங்குடி, ஏப்:

புளியங்குடி டி.என்.புதுக்குடி பகுதியைச் சேர்ந்த மனோகரன் என்பவர் தனது மோட்டார் சைக்கிள் காணாமல் போனது குறித்து புளியங்குடி போலீசில் புகார் கொடுத்திருந்தார். இதுகுறித்து போலீசார் வழக்குப்பதிவு செய்து விசாரணை நடத்தி வந்தனர். இந்த நிலையில் விருதுநகர் மாவட்டம் சொக்கநாதன்புத்தூரில் மோட்டார் சைக்கிளை திருட முயன்ற நபரை அங்குள்ள போலீசார் பிடித்து விசாரணை நடத்தினர். அப்போது அவர் புளியங்குடி அருகே உள்ள திருமலாபுரத்தை சேர்ந்த கருப்பசாமி (46) என்பதும், மேலும் அவர் புளியங்குடி பகுதியில் தொடர் மோட்டார் சைக்கிள் திருட்டில் ஈடுபட்டதும் தெரியவந்தது. இதுகுறித்த புகாரின் பேரில் புளியங்குடி போலீசார் விரைந்து சென்று கருப்பசாமியை கைது செய்தனர். மேலும் அவரிடமிருந்து மொத்தம் 3 மோட்டார் சைக்கிள்களை பறிமுதல் செய்தனர்.