குளித்தலை அருகே இடப்பிரச்2 பேரை போலீசார் கைது சினையில் 2 பேர் கைது

குளித்தலை

கரூர் மாவட்டம், குளித்தலை அருகே உள்ள புதுப்பாளையம் பகுதியை சேர்ந்தவர் பாண்டியன் (வயது 60). இவருக்கும் அதேபகுதியைச் சேர்ந்த ரமேஷ் என்கிற பூவலிங்கம் (38) என்பவருக்கும் இடப்பிரச்சினை தொடர்பாக முன்விரோதம் இருந்துவந்தது. இந்தநிலையில் கடந்த 9-ந்தேதி பாண்டியன் தனது வீட்டில் இருந்தார். அப்போது அங்கு வந்த ரமேஷ் அவரை திட்டி தான் கையில் வைத்திருந்த கத்தியால் பாண்டியனின் இடுப்பு பகுதியில் குத்தி கொலை மிரட்டல் விடுத்துள்ளார். இதனால் பாண்டியன் காயம் அடைந்தார். இதையடுத்து பாண்டியன் சிகிச்சைக்காக குளித்தலை அரசு மருத்துவமனையில் அனுமதிக்கப்பட்டார். இதுகுறித்து பாண்டியன் குளித்தலை போலீஸ் நிலையத்தில் புகார் கொடுத்தார். அதன்பேரில் போலீசார் வழக்குப்பதிவு செய்துள்ளனர். 

இச்சம்பவம் தொடர்பாக நடந்த மற்றொரு தகராறில் பாண்டியனின் மருமகனான பரமசிவம் (49), ரமேஷ் மற்றும் அவரது மனைவி பிரேமாவை (32) தாக்கி கொலை மிரட்டல் விடுத்துள்ளார். இதுகுறித்து பிரேமா அளித்த புகாரின் பேரில் பரமசிவம் மீது குளித்தலை போலீசார் வழக்கு பதிவு செய்ததோடு, இந்த இருவழக்குகள் தொடர்பாக விசாரணை நடத்தி ரமேஷ் மற்றும் பரமசிவத்தை போலீசார் கைது செய்தனர்.