கஞ்சா விற்ற 4 பேர் கைது

மதுரை,

மதுரை செல்லூர் போலீசார் நேற்று முன்தினம் இரவு அந்த பகுதியில் ரோந்து சென்றனர். அப்போது அங்கு சந்தேகப்படும்படியாக இருந்த 2 பேரை பிடித்து விசாரித்தனர். இதில் அவர்கள் தத்தனேரி, பாக்கியநாதபுரத்தை சேர்ந்த செல்வம் (வயது 26), காசி (27) என்பதும், அவர்கள் கஞ்சா விற்றதும் தெரியவந்தது. அதன் பேரில் போலீசார் வழக்குப்பதிவு செய்து அவர்கள் இருவரையும் கைது செய்து, அவர்களிடமிருந்து கஞ்சாவை பறிமுதல் செய்தனர்.

அதைத் தொடர்ந்து தத்தனேரி ரெயில்வே பாலம் அருகே கஞ்சா விற்ற ஆபிசர் டவுன் பகுதியை சேர்ந்த செந்தமிழ்செல்வன் (24), மீனாம்பாள்புரம் சத்தியமூர்த்தி 5-வது தெருவை சேர்ந்த விஜய் (23) ஆகியோரையும் கைது செய்தனர்.