மணல் கடத்திய 2 பேர் கைது

கரூர் அமராவதி ஆற்றில் சிலர் மணல் கடத்துவதாக சின்னதாராபுரம் போலீசாருக்கு தகவல் வந்தது. அதன்பேரில், போலீசார் அப்பகுதியில் சோதனை நடத்தினர். அப்போது, சின்னதாராபுரம் அருகே பள்ளபாளையத்தை சேர்ந்த சிரஞ்சீவி (வயது 21), கவியரசு (23), விஜயகுமார் (39) ஆகியோர் அவர்களது மாட்டுவண்டிகளில் மணல் கடத்தியது தெரியவந்தது. இதையடுத்து போலீசார் சிரஞ்சீவி, கவியரசு, விஜயகுமார் ஆகிய 3 பேர் மீது வழக்குப்பதிந்தனர். பின்னர் சிரஞ்சீவி மற்றும் கவியரசுவை கைது செய்தனர். தப்பியோடிய விஜயகுமாரை போலீசார் தேடி வருகின்றனர்.