<
73 மையங்களில் பிளஸ்-2 செய்முறை தேர்வு
திண்டுக்கல் மாவட்டம் முழுவதும் 2-வது கட்டமாக 73 மையங்களில் பிளஸ்-2 செய்முறை தேர்வு நடந்தது
திண்டுக்கல்:
தமிழகத்தில் பிளஸ்-2 தேர்வு அடுத்த மாதம் (மே) நடைபெற இருந்தது. இதற்கிடையே கொரோனா பரவல் அதிகரித்ததால் பிளஸ்-2 தேர்வு தள்ளிவைக்கப்பட்டு இருக்கிறது.
அதேநேரம் செய்முறை தேர்வுகள் திட்டமிடப்படி கடந்த 16-ந்தேதி தொடங்கி நடைபெற்றது. மேலும் கொரோனா பரவல் காரணமாக செய்முறை தேர்வு 2 கட்டங்களாக நடத்தப்படுகிறது. இதற்காக, திண்டுக்கல் மாவட்டத்தில் மொத்தம் 150 மையங்கள் அமைக்கப்பட்டன.
இதில் முதல்கட்டமாக 77 மையங்களில் கடந்த 16-ந்தேதி செய்முறை தேர்வு நடைபெற்றது.
இதைத்தொடர்ந்து நேற்று 2-வது கட்டமாக திண்டுக்கல், கொடைக்கானல், நிலக்கோட்டை, பழனி, தொப்பம்பட்டி, வத்தலக்குண்டு, சாணார்பட்டி உள்ளிட்ட பகுதிகளில் 73 மையங்களில் செய்முறை தேர்வு நடந்தது.
இதில் மாணவ-மாணவிகள் ஆர்வமுடன் பங்கேற்றனர். முன்னதாக மாணவ-மாணவிகள் உடல்வெப்பநிலை பரிசோதனை செய்யப்பட்டு, கிருமிநாசினி மூலம் கைகளை சுத்தம் செய்தபின்னரே மையத்துக்குள் அனுமதிக்கப்பட்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
