<
வேலூரில் 300 மது பாட்டில்கள் பறிமுதல்; ஒருவர் கைது
வேலூரில் 300 மது பாட்டில்கள் பறிமுதல்; ஒருவர் கைது
வேலூர்
பாகாயம் போலீஸ் இன்ஸ்பெக்டர் சுபா, சப் -இன்ஸ்பெக்டர் ரவிச்சந்திரன் மற்றும் போலீசார் நேற்று ரோந்து பணியில் ஈடுபட்டிருந்தனர். அப்போது ஓட்டேரி ஏரி மதகு அருகே மர்மநபர் ஒருவர் அரசு மதுபானங்களை மொத்தமாக வாங்கி வைத்து, விற்பனை செய்வதாக அவர்களுக்கு தகவல் கிடைத்தது. இதையடுத்து போலீசார் அங்கு விரைந்து சென்றனர். அப்போது அங்கு மோட்டார்சைக்கிளில் மதுபாட்டில்களை சாக்குமூட்டையில் வைத்து ஒருவர் விற்றுக் கொண்டிருந்தார்.
அவரை போலீசார் கையும், களவுமாக பிடித்து விசாரணை செய்தனர். அதில் அவர் நாயக்கனேரி பகுதியை சேர்ந்த அன்பழகன் என்ற அட்ட காலன் (வயது 43) என்பது தெரியவந்தது. அதைத்தொடர்ந்து அவரிடம் இருந்த 300 மது பாட்டில்களையும், மோட்டார்சைக்கிளையும் போலீசார் பறிமுதல் செய்தனர். மேலும் இதுகுறித்து வழக்குப்பதிவு செய்து அன்பழகனை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
