45,943 பேருக்கு கொரோனா தடுப்பூசி

சிவகங்கை மாவட்டத்தில் இதுவரை மொத்தம் 45 ஆயிரத்து 943 பேருக்கு கொரோனா தடுப்பூசி போடப்பட்டு உள்ளது என்று சுகாதாரத்துறை துணை இயக்குனர் தெரிவித்துள்ளார்.
சிவகங்கை மாவட்டத்தில் பொது சுகாதாரத்துறையின் மூலம் கொரோனா ஒழிப்பு பணிகள் தீவிரமாக நடைபெற்று வருகிறது. தற்சமயம் கொரோனோ நோயாளிகளின் எண்ணிக்கை அதிகரிப்பதால் இந்த மாவட்டத்தில் அரசு மருத்துவக்கல்லூரி மருத்துவமனையில் 521 படுக்கைகள், அமராவதிப்புதூர் காசநோய் மருத்துவமனையில் 72 படுக்கைகளும் உள்நோயாளிகளுக்கு பயன்படுத்தப்பட்டு வருகிறது.
மேலும் துணை இயக்குனர் நிலையில் உள்ள அலுவலர்கள் அனைத்து வட்டாரங்களுக்கும் கண்காணிப்பு அலுவலர்களாக நியமிக்கப்பட்டுள்ளனர். இவர்கள் அந்த பகுதிகளில் நடைபெறும் கொரோனோ ஒழிப்பு பணிகள், பொதுமக்களுக்கு கபசுரகுடிநீர் வழங்குதல், கிருமிநாசினி தெளித்தல், கட்டுப்பாட்டு பகுதிகளில் காய்ச்சல் முகாம் நடத்துதல் போன்றவைகளை ஆய்வு செய்து கலெக்டருக்கு தினமும் அறிக்கை அளிப்பார்கள்..
11 லட்சத்து 77 ஆயிரத்து 796 பேருக்கு சிகிச்சை அளிக்கப்பட்டுள்ளது. மேலும் கொரோனா 45 வயதிற்கு மேற்பட்ட அனைவருக்கும் தடுப்பூசி வழங்கப்பட்டு வருகிறது. சிவகங்கை மாவட்டத்தில் இதுவரை மொத்தம ்45 ஆயிரத்து 943 பேருக்கு தடுப்பூசி போடப்பட்டு உள்ளது. தற்சமயம் அரசு மருத்துவமனை, ஆரம்ப சுகாதார நிலையங்களில் கொரோனோ தடுப்பூசி போடப்பட்டு வருகிறது. 45 வயதிற்கு மேற்பட்ட பொதுமக்கள் அனைவரும் பயன்பெற கேட்டுக்கொள்ளப்படுகிறார்கள்.
இவ்வாறு அதில் அவர் கூறியுள்ளார்.