இதுவரை 50 ஆயிரம் பேருக்கு கொரோனா தடுப்பூசி-கலெக்டர் தகவல்

சிவகங்கை மாவட்டத்தில் இதுவரை 50 ஆயிரம் பேருக்கு கொரோனா தடுப்பூசி போடப்பட்டு உள்ளது என்று கலெக்டர் மதுசூதன்ரெட்டி கூறினார்.
22 இடங்கள்
சிவகங்கை மாவட்டத்தில் 2-வது கட்ட கொரோனா தொற்று படிப்படியாக அதிகரித்து வருகிறது. ஒருநாளைக்கு 1500 பேருக்கு கொரோனா பரிசோதனை செய்யப்படுகிறது. இதில் தற்போது சராசரியாக 53 பேருக்கு தொற்று உறுதி செய்யப்படுகிறது.
50 ஆயிரம் பேருக்கு தடுப்பூசி
மேலும் மாவட்டத்தில் 100-ல் இருந்து 120 காய்ச்சல் தடுப்பு முகாம்கள் நடத்தப்பட்டுள்ளது. இதுவரை மாவட்டத்தில் 50 ஆயிரம் பேர் வரை கொரோனா தடுப்பூசி போட்டுள்ளனர். இதில் 10 ஆயிரம் பேர் 2-வது கட்டமாக தடுப்பூசி போட்டுள்ளனர். சிவகங்கை மருத்துவ கல்லூரியில் ஆக்சிஜன் வாயு போதுமான அளவு உள்ளது. தற்போது மருத்துவமனையில் 20 பேர் ஆக்சிஜனுடன் சிகிச்சை பெற்று வருகின்றனர்.
பொதுவாக முதல் கட்ட கொரோனா தடுப்பலையில் மருத்துவ துறையில் பணியாற்றியவர்களுக்கு அதிகளவு கொரோனா தொற்று ஏற்பட்டது.அதனை தொடர்ந்து முதல் நிலை தடுப்பூசி போடும் தொடங்கிய காலத்தில் மருத்துவ துறையினருக்கும், காவல் துறையினருக்கும் என முதல்நிலை களப்பணியாளர்களுக்கு தடுப்பூசி போட்டது. இதனால் தற்போது இரண்டாம் கட்ட கொரோனா தொற்று அவர்களை பாதிக்கவில்லை. இதையே ஒரு ஆதாரமாக எடுத்துக் கொண்டு பொதுமக்களாகிய ஒவ்வொருவரும் கொரோனா தொற்றுக்கான தடுப்பூசி போட்டுக் கொண்டால் நோய் தாக்காது என்பதை உணர்ந்து கொண்டு தடுப்பூசி போட்டுக்கொள்ள வேண்டும்.
இவ்வாறு அவர் கூறினார்.