பேட்டை அருகே 3 பேருக்கு அரிவாள் வெட்டு; ஒருவர் கைது

பேட்டை:

சுத்தமல்லி ஜீவா நகரை சேர்ந்தவர் பேச்சிமுத்து (வயது 46). இவருடைய மனைவி ராஜம்மாள் (40). இவர்களுடைய மகன் வெங்கடேஷ் (18). இவரது பக்கத்து வீட்டை சேர்ந்தவர் முகமது இலியாஸ் (49). கூலி வேலை செய்து வருகிறார். 2 குடும்பங்களுக்கு இடையே இடப்பிரச்சினை இருந்து வந்துள்ளது. இந்த நிலையில் இவர்களுக்கு இடையே வாக்குவாதம் ஏற்பட்டது. தகராறு முற்றியதில் ஒருவருக்கொருவர் தாக்கிக் கொண்டனர். இதனால் ஆத்திரம் அடைந்த முகமது இலியாஸ் வீட்டில் இருந்த அரிவாளால் பேச்சிமுத்துவை வெட்டியதாக கூறப்படுகிறது. இதை தடுக்க சென்ற அவரது மனைவி ராஜம்மாள் மற்றும் மகன் வெங்கடேஷ் ஆகியோருக்கும் அரிவாள் வெட்டு விழுந்தது. 

காயம் அடைந்த அவர்கள் சிகிச்சைக்காக பாளையங்கோட்டை ஐகிரவுண்டு ஆஸ்பத்திரியில் அனுமதிக்கப்பட்டனர். இதுகுறித்து பேச்சிமுத்து கொடுத்த புகாரின் போில் சுத்தமல்லி போலீசார் வழக்குப்பதிவு செய்து முகமது இலியாசை கைது செய்தனர்.