வாலிபருக்கு கத்திக்குத்து

தேவகோட்டை அருகே உள்ள சக்கந்தி கிராமத்தை சேர்ந்தவர் குருமூர்த்தி (வயது 31). இவர் சென்னையில் மதுக்கடை பாரில் வேலை செய்து வருகிறார். மதுரை மாவட்டத்தை சேர்ந்த ராஜா(30), அவருடன் வேலை பார்த்து வந்தார். இந்நிலையில் ராஜா தேவகோட்டை அருகே உள்ள செலுகையில் பொக்லைன் எந்திரத்தை வாடகைக்கு எடுத்து ஓட்டி வருகிறார். இவர்களுக்குள் முன்விரோதம் இருந்து வந்தது.
இந்த நிலையில் குருமூர்த்தி நேற்று தேவகோட்டையில் இருந்து சக்கந்திக்கு மோட்டார் சைக்கிளில் சென்று கொண்டிருந்தார். அப்போது வைந்தனி விலக்கு அருகே சென்ற போது குருமூர்த்தியை ராஜா வழிமறித்து கத்தியால் குத்தினார். இதில் அவர் காயம் அடைந்தார். இதுகுறித்து தேவகோட்டை தாலுகா போலீஸ் நிலையத்தில் புகார் செய்யப்பட்டது. புகாரின் பேரில் போலீசார் வழக்குப்பதிவு செய்து ராஜாவை தேடி வருகின்றனர்.