முழு ஊரடங்கில் சாலையில் சுற்றித்திரிந்த 4 பேர் மீது வழக்கு தம்மம்பட்டி போலீசார் நடவடிக்கை

தம்மம்பட்டி:

சேலம் மாவட்டம், தம்மம்பட்டி பகுதியில் முழு ஊரடங்கையொட்டி அனைத்து கடைகளும் மூடப்பட்டு இருந்தன. பொதுமக்கள் வீடுகளில் முடங்கினர். அதே நேரத்தில் தம்மம்பட்டி போலீசார் ஊரின் முக்கிய பகுதிகளில் ரோந்து பணியில் ஈடுபட்டு தேவையில்லாமல் சுற்றித்திரிந்தவர்களை எச்சரித்து திருப்பி அனுப்பினர். இந்த நிலையில் தம்மம்பட்டி 8-வது வார்டு பகுதியை சேர்ந்த முருகேசன் மகன் அய்யனார் (வயது 35), முருகன் என்பவர் மகன் செல்வகுமார் (30), ராஜேந்திரன் என்பவரின் மகன் சோலையரசன் (29) மற்றும் தம்மம்பட்டியில் உள்ள பேக்கரியில் வேலை செய்யும் கிருஷ்ணகிரியை சேர்ந்த பிரகாஷ் ஆகிய 4 பேர் முக கவசம் இன்றி தம்மம்பட்டி பகுதியில் சுற்றி வந்தது தெரியவந்தது. இதையடுத்து அவர்கள் 4 பேரையும் போலீசார் எச்சரித்த நிலையில், தொடர்ந்து வீதிகளில் சுற்றியதால் அவர்கள் 4 பேர் மீதும் போலீசார் வழக்குப்பதிவு செய்தனர்.